Si Begog tuku rek joss

Alhamdulillah Sedulur kabeh… inyong kiye bisa mulai maning nulis maning neng blog, critane mulai siki inyong njajal nulis alias basa maene “posting” nganggo basa Banyumasan, aliase ndopok ..ngetuprus nganggo basane awake dewek kabeh wong penginyongan, kayakuwe..

Ya.. kapanane nulis nggannggo basa Indonesia ya kena.. nganggo basa Banyumasan ya kena.. kadar blog-e inyong dewek ikih.. bodo-bodoa sing nduwe blog.. mbok kaya kuwe.. he..he..

Wis lah ora usah kedawa-dawa gari ngomong.. enggane arep nulis apa ya.. pengantare wis rong larik dewek kiye..

Kaya kiye baen Sedulur .. he…he.. dadi kemutan Pak Singa neng RRI Puraketa .. sedulur-sedulur tani ..he.. emange klompencapir apa ya ..

Dadi kemutan jaman semana kiye, ya.. kira-kira inyong kelas 5 SD apa kelas 6 SD ya… madan kelalen..wis suwe sih ya.. Critane wektu semana ana kemah Pramuka istilaeh LT apa Lomba Tingkat kaya kuwelah.. LT tingkat kecamatan.. pesertane SD-SD se Kecamatan Wangon .. wektu kuwe kemaeh neng Sawah Amba Desa Bojong Wangon.


Lha kuwe sawah-sawah koh nggo kemah Pramuka apa ora pada kenang belet bocah-bocah?

Mengko dimin.. direngokna dingin kiye critane.. wektu semana memang kemaeh neng sawah..tapine wektu samana kuwe mangsan terang ,dadi sawaeh pada garing.. malah belete garing nganti ana sing mledag-mledag. Kiye sing jenenge wong ndopok ..ya bebas baen .. kiye ora ngarang.. tapi memang kejadian temenan.. critane inyong arep crita sejerone crita ..

Apa maning kuwe.. crita sejeroning crita .. kaya judul kethoprak baen .. lahir sejeroning kubur.. he.. pada baen mbok ana.. istilah sejeroning-e ..hee.hhee

Huss bocah ..maning..pinter temen gari plesetan ..

Mangsude crita sejerone crita kuwe ..inyong arep cerita wektu semana inyong cerita .. lha..angel temen ya gari njelasaken… mangsude inyong crita wektu jamane kemah Pramuka neng Bojong gemiyen kuwe inyong crita wektu ana lomba crita neng kegiatan kemah LT kuwe..

Critane kaya kiye sedulur …

Sewijining dina… ana bocah sing arane utawa sing jenenge Begog.. ngarah gampange ya diundang bae Si Begog..kayakuwe

Si Begog karo ramane diprentah kon tuku rek joss neng warunge Nini Gering.. critane kuwe ramane Begog wis kepengin bangeeet udud,… jarene cangkeme kecut nek bar madang ora udud …rasane ana sing kurang. Padahal nembe baen ramane Begog madang lawuh jangan teri lombok ijo.. segane sega panas lawueh jangan teri lombok ijo karo pete rong keris..apa maning madange nembe balik macul sekang sawah..jaaaan nylekamin pisan..

Karo nyekeli rokok Bang Djo sing gedene se lombok ijo.. diplintir-plintir rokoke ..terus ngomong Ramane Begog maring Si Begog..

“Gog.. Begog nengendi kowe.. kiyeh.. tek omongi ngeneh…” Ramane Begog ngundang Begog madan seru gari ngomong ..

“Ana apa Ramane… inyong lagi makani pitik diundang ana apa koh ?”… Si Begog mburu medeki ramane ..tangane esih gupak dedek.. mblaged ..

“Kiyeh..ngeneh .. kuwe tangane wisuh dimin.. terus nganah maring warunge Nini Gering tuku rek joss.. kiye nggawa duwit limangatus perak..nganah cepetan ..arep nggo nyumed rokok.. kiye “, Kayakuwe prentaeh Ramane Begog karo ngulungaken duwit kertas limangatus perak sing ana gamabare ketek..

Bareng Si Begog wis wisuh tangane ,.. nembe bae arep mangkat maring warunge Nini Gering.. ramane Begog ngundang maning ..

“Heehhh.. Gog ngeneh dingin.. tek omongi disit.. Kuwe gari tuku rek joss ngomong karo Nini Gering ..tuku rek joss aja sing mlempem.. aja kaya pas tuku winginane .. rek joss sebungkus isi sewidak loro di jres-aken ora nana sing murub sijia.. kuwe diemut-emut.. pokoke tuku rek joss aja sing mlempem.. wis ..nganah gelis mangkat..” Ramane Begog peseni karo madan seru omange..

Singkat cerita .. akhire Begog wis gutul maring warunge Nini Gering, karo ngileng-ngileng warung ,Begog nembung tuku karo Nini Gering..

Ni tuku rek joss… jarene ramane ..rek joss-e aja sing mlempem kaya winginane ..” kayakuwe tembunge Si Begog maring Nini Gering..

Ana-ana bae kiye bocah .. inyong adol rek joss ya ora nana sing mlempem yah.. kaya krupuk baen mlempem kuwe.. giye .. rek joss-e .. nganah dijajal dingin nek ora percaya..” kayakuwe omonge Nini Gering maring Begog..

Karo bali … neng dalang Begog mikir..ngomong neng jero ati .. “Kiye rek joss dijamin ora mlempem jere Nini Gering.. tapine nek temenan mlempem primen ya.. aja-aja Nini Gering nglomboni.. wis siki tek jajal baen rek joss-e ora mlempem temenan apa nglomboni kae Nini Gering”..

Karo mlaku Begog njajal rek joss..

Jresss !! njajal siji langsung murub…. kurang marem ..Begog njajal maning sing ping loro .. Jress !!! …. murub maning..


Iya.. yah.. rek joss-e ora mlempem.. tapine kuwe nembe loro sing di jajal .. tek jajal maning liane ..” mbatin Begog.

Karo penasaran sedawane dalan bali ngumah Begog njajali rek joss nganti isine sing sewidak loro dijajal kabeh.. hasile rek joos sing dituku murub kabeh alias ora ana sing mlempem ..”

Bareng gutul ngumah seneng bisa tuku rek joss sing ora mlempem Begog ngomong karo ramane.. “Ramane kiye inyong tuku rek joss ora mlempem ..kiye “

Ramane Begog nampani bungkus rek jos terus di bukak .. arep nggo nyumed rokoke.

Lha kiye deneng wadah rek joss-e kosong ora ana isine” kayakuwe omonge Ramane Begog karo madan setengaeh kaget.

Jarene mau ramane njaluk ditukokna rek joss sing ora mlempem.. kuwe mau rek joss wis tek jajal kabeh ma.. jan.. kabeh bisa murub ora ana sing mlempem” .. Begog njawab karo nyengir

Wuuuh.. dasar bocah gebleg .. “ Ramane Begog kesuh karo mbandem Begog nganggo rokok Bang Djo sing ora sida diudud..

Heee…he.. kayakuwe critane ..

Kumpulan Software Gratis

↑ Grab this Headline Animator

2 pemikiran pada “Si Begog tuku rek joss

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s